Ni’n falch i noddi Powys Sparks
yng Nghyngrair Cenedlaethol Pêl Rwyd Cymru.

Home » Newyddion » Ni’n falch i noddi Powys Sparks yng Nghyngrair Cenedlaethol Pêl Rwyd Cymru.

Rydym yn falch iawn o’n partneriaeth â Powys Sparks, y tîm diweddaraf i ymuno â Chynghrair Genedlaethol FleetEV, Pêl Rwyd Cymru.  Mae’r cydweithrediad cyffrous hwn nid yn unig yn amlygu poblogrwydd cynyddol pêl-rwyd yng Nghymru ond mae hefyd yn tanlinellu ein ymrwymiad i fentrau ynni gwyrdd.

Fel un o arweinwyr y diwydiant ynni gwyrdd yn y frwydr i fynd i’r afael â’r argyfwng hinsawdd, rydym yn ymroddedig i harneisio pŵer ynni gwynt trwy ddatblygu parciau ynni adnewyddadwy. Trwy drosoli potensial tyrbinau gwynt a phŵer gwynt, ein nod yw creu dyfodol gwyrddach, mwy cynaliadwy i Gymru.  Bydd y fenter hon nid yn unig yn ysgogi twf economaidd ond hefyd yn grymuso cymunedau gwledig, gan gynnwys y rhai ym Mhowys, trwy greu miloedd o swyddi a chefnogi mentrau cymunedol.

Mae Catryn Newton, ein Cyfarwyddwr Buddsoddi Cymunedol a Chyfathrebu, yn falch iawn o’r bartneriaeth, ac yn awyddus i dynnu sylw at ei photensial i rymuso menywod a merched mewn meysydd chwaraeon a STEM:

“Rydym yn falch o weithio ochr yn ochr â Phêl-rwyd Cymru wrth sefydlu Powys Sparks,” meddai Newton. “Mae’r bartneriaeth hon yn cyd-fynd yn berffaith â’n nodau o rymuso cymunedau a chreu cyfleoedd newydd ar draws canolbarth Cymru. Rydym yn awyddus i weld sut y bydd Powys Sparks yn ffynnu yng Nghynghrair Genedlaethol FleetEV y tymor hwn ac yn gobeithio ysbrydoli mwy o fenywod a merched i ymgysylltu â chwaraeon a’n cenhadaeth i hyrwyddo ynni adnewyddadwy.”

Mae Vicki Sutton, Prif Weithredwr Pêl-rwyd Cymru, yn cymeradwyo ymrwymiad Bute Energy i gynaliadwyedd a’i halinio â gwerthoedd chwaraeon Cymru. “Rydym wrth ein bodd o gael Bute Energy fel noddwr tîm Powys Sparks,” meddai Sutton.

“Mae eu hangerdd dros wneud Cymru’n lle gwell yn atseinio’n ddwfn gyda ni, ac rydym yn falch o fod yn cydweithio â phartner mor flaengar.”

Mae’r bartneriaeth hon yn garreg filltir bwysig i Powys Sparks a Chynghrair Genedlaethol FleetEV, wedi’i phweru gan ein ymrwymiad i ynni gwyrdd a grymuso menywod.   Dilynwch ein sianeli cymdeithasol a sianeli Phêl-rwyd Cymru i gael y wybodaeth ddiweddaraf am daith Powys Sparks yn y gynghrair.

|