Mae Parc Ynni Moel Chwa yn cynnwys hyd at 12 tyrbin a fydd 200m o’r gwaelod i’r blaen, gan gynrychioli’r dechnoleg ddiweddaraf yn y sector gwynt ar y tir.
Byddai ein cynnig cychwynnol yn cynhyrchu hyd at 79.2MW o ynni gwynt glanach, gwyrddach a mwy cynaliadwy, digon i bweru oddeutu 51,960 o gartrefi y flwyddyn.
Mae Parc Ynni Moel Chwa yn ymestyn dros tua 963 o hectarau. I’r gogledd o’r safle mae pentref Llanfihangel Glyn Myfyr, i’r gorllewin mae Cerrigydrudion ac i’r de mae Llangwm, sydd wedi ei leoli ychydig i ochr arall yr A5.
Byddai’r Parc Ynni hefyd yn cynnwys seilwaith cysylltiedig gan gynnwys trawsnewidyddion, sylfeini, padiau craen ac ardaloedd gosod/storio. Byddai llwybrau mynediad ar y safle hefyd yn cael eu darparu er mwyn hwyluso mynediad ar draws y Parc Ynni.
Yn ôl yn 2011, rhoddwyd caniatâd cynllunio hefyd ar gyfer fferm wynt ar y tir yn cynnwys 11 tyrbin a seilwaith cysylltiedig, gan atgyfnerthu ymhellach addasrwydd y safle ar gyfer cynhyrchu ynni gwynt ar y tir.
Nesaf, Blaenorol, cau, Sgroliwch y bar ar draws i weld yr amserlen arfaethedig
Cael y newyddion diweddaraf i gyd