Amdan y prosiect

Rydym yn cynllunio parc ynni adnewyddadwy o’r enw Parc Ynni Esgair Galed, i’r de-ddwyrain o Fachynlleth ac i’r de o Lanbrynmair ym Mhowys, yng nghanolbarth Cymru.

Mae’r cynnig yn cynnwys hyd at 26 tyrbin sy’n cynhyrchu tua 171MW o ynni glân a gwyrdd, sy’n ddigon i bweru’r hyn sy’n cyfateb i rhwng 113,000 a 179,000 o gartrefi bob blwyddyn*, a helpu i ddisodli tua 266,000 tunnell o garbon deuocsid bob blwyddyn.

Bydd y prosiect hefyd yn darparu manteision sylweddol i’r gymuned leol, gan gynnwys Cronfa Budd Cymunedol flynyddol gwerth oddeutu £1.2 miliwn yn seiliedig ar ddyluniadau cyfredol.

Mae’r prosiect yn cael ei ystyried yn Ddatblygiad o Arwyddocâd Cenedlaethol (DNS). Mae hyn yn golygu y bydd cais yn cael ei gyflwyno i Benderfyniadau Cynllunio ac Amgylchedd Cymru (PEDW), a fydd yn gwneud argymhelliad i Weinidogion Cymru ynghylch a ddylid rhoi caniatâd cynllunio ai peidio.

* Defnydd cyfartalog aelwydydd yn y DU wedi’i gymryd o RenewableUK

Datblygiadau hyd yn hyn

  • Rydym wedi cyflwyno cais cwmpasu i PEDW, sy’n gofyn yn ffurfiol am eu canllawiau i hysbysu ein cynigion.
  • Cynhaliwyd y ymgynghoriad cyhoeddus cyhoeddus (ymgynghoriad anastudol) yn ystod gaeaf 2024.
  • Rydym nawr yn prosesu’r adborth cawsom yn ystod yr ymgynghoriad yma yn ogystal a chanlyniadau arolygon amgylcheddol sydd wedi eu gwneud hyd yn hyn, cyn agor ail ymgynghoriad cyhoeddus cyn bo hir.

Y safle

Mae’r cynlluniau cynnar yn cynnwys traciau mynediad a seilwaith cysylltiedig arall gan gynnwys is-orsaf, adeilad rheoli, cyfarpar mesur gwynt a chompowndiau adeiladu a storio dros dro. Mae’r llwybr trafnidiaeth ar gyfer cydrannau tyrbinau i’r safle yn dal i gael ei archwilio, a bydd rhagor o fanylion yn cael eu darparu yng ngham nesaf yr ymgynghoriad.

Bydd dyluniad manwl y Parc Ynni yn esblygu dros y misoedd nesaf, ar ôl gwrando ar adborth pobl leol ac ymgyngoreion statudol, yn ogystal â’r asesiadau amgylcheddol a thechnegol sy’n mynd rhagddynt yn barhaus.

Llinell Amser Parc Ynni Esgair Galed

Cwmpasu Asesiad o’r Effaith Amgylcheddol Yn gynnar yn 2024
close xPrevious
Next
Cwmpasu Asesiad o’r Effaith AmgylcheddolYn gynnar yn 2024

Mae hon yn maen prawf gynnar bwysig wrth ddatblygu’r prosiect. Mae’r Asesiad Effaith Amgylcheddol (AEA) yn ddogfen ganolog sy’n nodi’r holl arolygon, asesiadau ac adroddiadau yr ydym yn eu gwneud i lywio dyluniad y parc ynni arfaethedig a sicrhau ein bod yn lleihau effeithiau amgylcheddol posibl. Mae’r broses hon yn cymryd sawl mis, ac mae’n rhaid i ni sicrhau ein bod yn asesu’r holl ystyriaethau amgylcheddol angenrheidiol. Ar y pwynt hwn, rydym yn cyflwyno trosolwg o sut rydym yn bwriadu ymgymryd â’r gwaith hwn, a pha arolygon ac asesiadau y byddwn yn eu cynnwys. Trwy ei ‘Chyfarwyddyd Cwmpasu’, (fel arfer ar ffurf llythyr), bydd yr adran sy’n gyfrifol am gynllunio yn Llywodraeth Cymru (PCAC) wedyn yn dweud wrthym a yw ein dull arfaethedig o gyflawni hyn yn briodol, ac os oes angen i ni ystyried unrhyw faterion eraill.

Cyfnod presennolYmgynghoriad anstatudol cychwynnol â chymunedau lleol,
rhanddeiliaid ac ymgyngoreion arbenigol Ionawr – Mawrth 2024
close xPrevious
Next
Ymgynghoriad anstatudol cychwynnol â chymunedau lleol,
rhanddeiliaid ac ymgyngoreion arbenigolIonawr – Mawrth 2024

Dyma yw ein rownd gyntaf o ymgynghoriadau. Yn ystod y cam hwn, rydym yn parhau i gynnal arolygon ac asesiadau amgylcheddol i lywio’r Asesiad Effaith Amgylcheddol (AEA) drafft. Ar yr un pryd, rydym yn dechrau llunio dyluniad y parc ynni arfaethedig. I wneud hyn, rydym yn cynnal rownd ymgynghori ‘anffurfiol’, lle rydym yn cyflwyno cynigion cynnar ac yn gwahodd adborth gan gymunedau, rhanddeiliaid ac ymgynghoreion. Fe’i gelwir yn ymgynghoriad ‘anstatudol’, oherwydd nid yw’n ofynnol i ni ei gynnal, ac ni fydd gennym yr holl fanylion am y cynlluniau eto – fodd bynnag, rydym yn gweld gwerth mawr mewn cyflwyno ein cynlluniau cynnar er mwyn helpu i lywio’r broses ddylunio.

Ymgynghoriad Statudol â chymunedau lleol
rhanddeiliaid ac ymgyngoreion arbenigol 2026
close xPrevious
Next
Ymgynghoriad Statudol â chymunedau lleol
rhanddeiliaid ac ymgyngoreion arbenigol2026

Dyma yw’r ymgynghoriad ffurfiol sy’n ofynnol cyn i ni gyflwyno ein cais. Ar y cam hwn bydd gennym Ddatganiad Amgylcheddol (DA) ‘Drafft’ llawn, sy’n nodi casgliadau’r holl arolygon ac asesiadau y byddwn wedi’u cynnal, yn unol â Chyfarwyddyd Cwmpasu PCAC. Rydym yn cynnal ymgynghoriad ffurfiol am gyfnod o 42 diwrnod o leiaf. Mae’r ymgynghoriad hwn yn ofyniad cyn y gallwn gyflwyno cais, a dyna pam ei fod yn cael ei alw’n ‘ymgynghoriad statudol’. Byddwn yn postio hysbysiadau ffurfiol yn y papur ac o amgylch y safle, ac yn hysbysu ymgynghoreion perthnasol, er enghraifft Cyfoeth Naturiol Cymru ac ymgynghoreion amgylcheddol neu dechnegol eraill, cynghorwyr lleol a chynghorau cymuned, a’r rhai sy’n berchen ar dir cyfagos neu sy’n byw gerllaw. Byddwn hefyd yn cynnal digwyddiadau ymgynghori mewn person ac ar-lein i gyflwyno ein cynlluniau arfaethedig, cyn i ni eu cyflwyno i PCAC i’w hystyried.

Cyflwyno cais ar gyfer Datblygiad
o Arwyddocâd Cenedlaethol 2026
close xPrevious
Next
Cyflwyno cais ar gyfer Datblygiad
o Arwyddocâd Cenedlaethol 2026

Yn ystod y cam hwn fe fyddwn yn cyflwyno ein cais. Ar ôl cwblhau’r ymgynghoriad statudol, byddwn yn adolygu’r holl adborth ac yn cynhyrchu Adroddiad Ymgynghori Cyn Cyflwyno Cais (PAC). Bydd yr Adroddiad yn nodi’r adborth a dderbyniwyd ac yn esbonio sut mae hyn wedi ffurfio’r cynlluniau terfynol. Os nad ydym yn gallu gweithredu ar bwyntiau penodol, byddwn yn darparu rhesymau clir pam. Bydd yr adroddiad hwn, ynghyd â’r gyfres lawn o ddogfennau cais wedyn yn cael ei gyflwyno i PCAC i’w ystyried – a fydd wedyn yn gwneud penderfyniad ynghylch a ddylid derbyn y cais i ddechrau’r broses Arholiad ai peidio.

Mae’r elfennau graffig sy’n gysylltiedig â’r prosiect hwn yn rhan o’i hunaniaeth brand weledol ac fe’i cynlluniwyd i helpu i greu ymdeimlad o le a’i wahaniaethu oddi wrth brosiectau eraill. Nid yw’n darlunio’r parc ynni arfaethedig, ei seilwaith, na’i ymddangosiad terfynol.

Ymgysylltu â chymunedau lleol

Er nad ydym yng nghyfnod ymgynghori ein prosiect, rydym yn parhau i gyfarfod ag aelodau’r gymuned leol bob chwarter – trwy Grŵp Cyswllt Cymunedol pwrpasol. Yma, rydym yn darparu’r wybodaeth ddiweddaraf, yn ateb cwestiynau ac yn gofyn am arweiniad.

Dysgu mwy