Home » Newyddion » Partneriaeth Newydd gyda’r Arwr Olympaidd Lauren Price i Gefnogi Cymunedau Cymru

Partneriaeth Newydd gyda’r Arwr Olympaidd Lauren Price i Gefnogi Cymunedau Cymru

Rydym yn gyffrous i gyhoeddi ein partneriaeth newydd gyda Medalydd Aur Olympaidd a Pencampwr Pwysau Welter Unedig Lauren Price, brodor balch o Ystrad Mynach, Caerffili.

Mae gwreiddiau lleol Lauren a’r cysylltiad dwfn â’r ardal o amgylch Parc Ynni Twyn Hywel yn gwneud y bartneriaeth hwn yn un arbennig. Bydd ein partneriaeth yn llywio sut y gall ein Cronfa Budd Cymunedol—ynghlwm wrth y prosiect hwn—gael yr effaith fwyaf yn yr ardal leol. Nid yw Lauren yn ddieithr i oresgyn heriau, ac rydym yma i sicrhau, wrth i ni ddatblygu ynni gwyrdd i Gymru, ein bod yn darparu manteision hirdymor gwirioneddol i’r cymunedau gerllaw.

Why Lauren Price?

Cafodd Parc Ynni Twyn Hywel, sydd wedi’i leoli ger tref enedigol Lauren, gymeradwyaeth gan Lywodraeth Cymru ddiwedd 2024 a rhagwelir y bydd yn weithredol erbyn 2027. Fel rhan o’r cydweithrediad, bydd Lauren yn falch o gynrychioli Bute Energy ar ei chit hamdden cyn ei brwydr hir-ddisgwyliedig yn erbyn Natasha Jonas yn Neuadd Frenhinol Albert Llundain ar 7 Mawrth.

Yn Bute Energy, rydym yn parchu bod pob cymuned yn wahanol.  Mae Lauren yn deall pwysigrwydd cymuned, a bydd ei mewnwelediadau yn helpu i sicrhau bod ein Cronfa Budd Cymunedol yn mynd yn union lle mae ei angen.

“Rydw i wedi gweithio’n galed i gyrraedd lle ydw i, ond rydw i hefyd yn ffodus iawn fy mod i wedi cyrraedd yma. Byddai rhai yn dweud nad oedd fy nechrau mewn bywyd o’m plaid, ond roedd fy nheulu, ffrindiau, a’r gymuned gyfan nôl adref yn Ystrad Mynach yn cefnogi fy nhaith bob cam o’r ffordd.

“Rwy’n gwybod pa mor bwysig yw ein cymunedau clos yng Nghymru, ond rwyf hefyd yn gwybod sut mae rhai cymunedau yn llai ffodus ac mae angen y cymorth ychwanegol hwnnw. Dyna pam rwy’n falch o gyhoeddi y byddaf yn cael fy nghefnogi eleni gan Bute Energy. Dwi wedi dysgu llawer am sut maen nhw eisiau brwydro yn erbyn newid hinsawdd drwy greu ynni gwyrdd o’n tywydd gwyntog yng Nghymru – ond yn bwysicach, maen nhw eisiau cefnogi cymunedau drwy gynnig cyllid grant, swyddi a sgiliau mewn cymunedau fel lle cefais fy magu.”

-Lauren Price

Parc Ynni Twyn Hywel: Gyrru Ynni Adnewyddadwy yng Nghymru

Wedi’i leoli ar ffin Cyngor Bwrdeistref Sirol Caerffili a Chyngor Bwrdeistref Sirol Rhondda Cynon Taf, bydd Parc Ynni Twyn Hywel yn darparu 92.4MW o ynni glân, adnewyddadwy, digon i bweru 81,000 o gartrefi bob blwyddyn. Bydd y datblygiad yn disodli tua 5.7 miliwn tunnell o garbon deuocsid dros ei oes weithredol o tua 45 mlynedd – sy’n cyfateb i gymryd yr holl geir oddi ar y ffyrdd yng Nghyngor Bwrdeistref Sirol Caerffili bob blwyddyn.

Dros ei oes, bydd y prosiect yn buddsoddi mwy na £30 miliwn mewn i gymunedau lleol drwy’r Gronfa Budd Cymunedol, gan ddarparu hyd at £693,000 bob blwyddyn i gefnogi mentrau allweddol sydd bwysicaf i’r bobl ger y parc ynni. Bydd yr arian hwn yn cefnogi prosiectau ieuenctid lleol, yn gwella cyfleusterau cymunedol, ac yn diogelu safleoedd treftadaeth pwysig.

“Rydym wrth ein bodd yn croesawu Lauren Price i deulu Bute Energy. Mae cryfder ac ymrwymiad Lauren i’w chymuned leol yn ei gwneud hi’n bartner perffaith i ni. Yn Bute Energy, rydym nid yn unig yn canolbwyntio ar gynhyrchu ynni adnewyddadwy ond hefyd ar wneud gwahaniaeth cadarnhaol ym mywydau pobl yn y cymunedau sydd agosaf at ein prosiectau.

“Mae gennym y tîm buddsoddi cymunedol mwyaf o unrhyw ddatblygwr ynni adnewyddadwy yn y DU, ac rydym yn gweithio’n agos gydag elusennau, gwasanaethau a chlybiau lleol i sicrhau bod ein buddsoddiadau yn cael effaith ystyrlon. O helpu busnesau lleol i ymuno â’n cadwyn gyflenwi i ymgysylltu ag ysgolion a phrifysgolion i gefnogi swyddi adnewyddadwy yn y dyfodol, rydym wedi ymrwymo i ddyfodol Cymru.

“Bydd cael llysgennad benywaidd cryf fel Lauren, sydd yr un mor angerddol am ei chymuned ag y mae hi am ei champ, yn ysbrydoli menywod a merched ledled Cymru. Gyda’n gilydd, rydyn ni’n edrych ymlaen at adeiladu dyfodol mwy disglair a gwyrddach am genedlaethau i ddod.”

-Catryn Newton, Cyfarwyddwr Buddsoddi Cymunedol a Chyfathrebu, Bute Energy

Enghreifftiau cynnar o weithredu newid

Hyd yn oed cyn i’r gwaith adeiladu ddechrau yn Twyn Hywel, rydym eisoes yn gweithio’n galed i wneud gwahaniaeth trwy ymgysylltu’n gynnar â chymunedau ger y parc.  Mae hyn yn ein galluogi i feithrin perthnasoedd o flaen amser a chasglu mewnwelediad gwerthfawr yn darparu buddion hirhoedlog i bobl leol.

  • Canolfan Galw Heibio Ieuenctid Senghennydd (SYDIC): Rydym yn cefnogi’r elusen leol hanfodol hon, sy’n darparu gwasanaethau hanfodol i bobl ifanc yn yr ardal.
  • Rhaglen Gymunedol Dreigiau Casnewydd: Mae ein cyllid yn cyfrannu at brosiectau cymunedol allweddol fel Fit Fed Fun, sy’n cynnig prydau a gweithgareddau i blant mewn ardaloedd sydd heb ddigon o adnoddau, a Sporting Memories, rhwydwaith sy’n cefnogi unigolion sy’n byw gyda dementia a’u gofalwyr.
  • Care and Repair Cymru: Mewn partneriaeth â thîm Caerffili, fe wnaethom helpu i ddarparu cymorth effeithlonrwydd ynni i aelwydydd â thrigolion dros 50 oed.
  • Hybiau Bwyd a Chynnes: Trwy bartneriaeth gyda Chymdeithas Mudiadau Gwirfoddol Gwent (GAVO), fe wnaethom gefnogi 15 o hybiau bwyd a chynnes a costau ynni’r  gaeaf

Fel rhan o’n polisi gwirfoddoli, mae ein staff hefyd wedi gwirfoddoli mewn mentrau lleol fel Canolfan Glowyr Caerffili ac wedi cymryd rhan mewn ymdrechion casglu sbwriel yng Nghomin Eglwysilan ochr yn ochr â Cadwch Gymru’n Daclus, lle bydd rhan o’r parc ynni wedi’i leoli.

Cliciwch yma i ddarganfod mwy am Barc Ynni Twyn Hywel

Buddsoddi mewn Swyddi a Sgiliau Cymru

Credwn nad yw ynni adnewyddadwy yn dda i’r amgylchedd yn unig—mae’n dda i bobl. Rydym yn obeithiol ynghylch yr hyn sydd gan y dyfodol. Gyda phrosiectau fel Parc Ynni Twyn Hywel, rydym yn helpu i fynd i’r afael â newid yn yr hinsawdd tra hefyd yn buddsoddi mewn cymunedau yng Nghymru, creu swyddi, a darparu gwerth gwirioneddol yn lleol.

Mae ein strategaeth gaffael yn canolbwyntio ar logi busnesau lleol i helpu i ddatblygu ac adeiladu’r parc ynni. Rydym yn gofyn i bob contractwr ymuno â’n Safon Gwerth Cymdeithasol, gan ymrwymo nid yn unig i’r prosiect ond i’r gymuned drwy greu swyddi a darparu hyfforddiant a phrentisiaethau i bobl leol.

Mae cael Lauren Price ar fwrdd y llong yn ffit naturiol i ni. Mae ei hangerdd am ei chartref yn adlewyrchu ein hangerdd ni. Gyda’n gilydd, byddwn yn ysbrydoli’r genhedlaeth nesaf—gan annog menywod a merched ledled Cymru i weld y gallant hwythau, hefyd, lwyddo mewn ynni adnewyddadwy a thu hwnt.

Mae angen 25,000 o swyddi gwyrdd ar Gymru erbyn 2050, gan gynnwys cynllunwyr, rheolwyr prosiectau a pheirianwyr i enwi dim ond rhai o’r rolau sydd angen eu llenwi.

Yn wir, bydd hyd at 2,000 o’r swyddi hyn yn cael eu creu gan brosiectau ynni gwynt Bute Energy yn unig! Ond pwy fydd yn adeiladu, gweithredu a chyflawni’r prosiectau pan fydd prinder sgiliau o’r fath yma yng Nghymru?

Y newyddion da yw – credwn y gallwn fod yn rhan o’r ateb i’r her fawr hon. Newyddion drwg yw – does gennym ni ddim llawer o amser i’w wneud.

Dyswch mwy am ein Strategaeth Sgiliau Sero Net
|