Ymgysylltu anstatudol â chymunedau, ymgyngoreion arbenigol a rhanddeiliaid eraill.

Dyma ein rownd gyntaf o ymgynghoriadau. Yn ystod y cam hwn, rydym yn parhau i gynnal arolygon ac asesiadau amgylcheddol i lywio’r Asesiad Effaith Amgylcheddol (EIA) drafft. Ar yr un pryd, rydym yn dechrau llunio dyluniad y parc ynni arfaethedig. I wneud hyn, rydym yn cynnal rownd ymgynghori ‘anffurfiol’, lle rydym yn cyflwyno cynigion cynnar ac yn gwahodd adborth gan gymunedau, rhanddeiliaid ac ymgyngoreion. Fe’i gelwir yn ymgynghoriad ‘anstatudol’, oherwydd nid oes raid i ni ei gynnal, ac ni fydd gennym yr holl fanylion am y cynlluniau eto; fodd bynnag, rydym yn gweld gwerth mawr mewn cyflwyno ein cynlluniau cynnar er mwyn helpu i lywio’r broses ddylunio.

Ymgynghoriad statudol â chymunedau lleol, ymgyngoreion arbenigol a rhanddeiliaid eraill.

Dyma’r ymgynghoriad ffurfiol sy’n ofynnol cyn i ni gyflwyno ein cais. Ar y cam hwn, bydd gennym Ddatganiad Amgylcheddol (ES) ‘Drafft’ llawn, sy’n nodi casgliadau’r holl arolygon ac asesiadau y byddwn wedi’u cynnal, yn unol â Chyfarwyddyd Cwmpasu PEDW. Rydym yn cynnal ymgynghoriad ffurfiol am gyfnod o leiaf 42 diwrnod. Mae’r ymgynghoriad hwn yn ofyniad cyn y gallwn gyflwyno cais, a dyna pam y’i gelwir yn ‘ymgynghoriad statudol’. Byddwn yn postio hysbysiadau ffurfiol yn y papur ac o amgylch y safle, ac yn hysbysu ymgyngoreion perthnasol, er enghraifft Cyfoeth Naturiol Cymru ac ymgyngoreion amgylcheddol neu dechnegol eraill, cynghorwyr lleol a chynghorau cymuned, a’r rhai sy’n berchen ar dir cyfagos neu’n byw gerllaw. Byddwn hefyd yn cynnal digwyddiadau ymgynghori yn bersonol ac ar-lein i gyflwyno ein cynlluniau arfaethedig cyn i ni eu cyflwyno i PEDW i’w hystyried.

Cynhaliwyd astudiaethau penodol gan ein cyflenwyr, TFW Group Ltd, ar y safle.

Beth yw ymchwiliadau tir?
Ymchwiliadau tir yw’r gwiriadau a’r profion a gynhelir ar y tir lle mae fferm wynt wedi’i chynllunio. Maent yn helpu peirianwyr i ddeall sut beth yw’r tir fel y gallant ddylunio sylfeini diogel a sefydlog ar gyfer y tyrbinau a seilwaith arall.

Meddyliwch amdano fel “profi’r tir cyn adeiladu unrhyw beth trwm arno.”

Beth yw amodau cynllunio?
Pan fydd fferm wynt yn cael caniatâd cynllunio, mae’r gymeradwyaeth fel arfer yn dod gyda rhestr o reolau y mae’n rhaid i’r datblygwr eu dilyn. Gelwir y rheolau hyn yn amodau cynllunio.

Fe’u hychwanegir gan yr awdurdod cynllunio lleol i wneud yn siŵr bod y fferm wynt yn cael ei hadeiladu a’i gweithredu mewn ffordd sy’n:
– amddiffyn yr amgylchedd
– cadw pobl yn ddiogel
– parchu cymunedau cyfagos
– sicrhau bod y prosiect yn cael ei adeiladu’n iawn ac fel y cytunwyd

Meddyliwch amdanynt fel “gallwch chi adeiladu hyn, ond dim ond os gwnewch chi’r pethau hyn hefyd.”

Dechreuodd y gwaith adeiladu ym Mehefin 2026.