Ein cynlluniau ar gyfer Parc Ynni Nant Ceiment

Rydym yn gyffrous i ddechrau sgyrsiau cynnar gyda chymunedau am ein project diweddaraf – Parc Ynni Nant Ceiment – parc ynni arfaethedig yng Nghaerfyrddin a allai gynhyrchu digon o drydan glân, gwyrdd i bweru hyd at 61,100 o gartrefi.

Wrth i ni lunio’r cynlluniau ar gyfer y datblygiad gwynt ar y tir hwn, rydyn ni am glywed gan bobl sy’n byw ac yn gweithio yn yr ardal. Dyna pam rydyn ni wedi lansio ymgysylltiad cynnar ac yn gwahodd cymunedau lleol i rannu eu barn trwy ein platfform rhyngweithiol, Give My View.

Credwn y dylai datblygiadau ynni ddod â manteision i’r cymunedau sy’n eu cynnal – nid yn unig trwy pwer glân, ond trwy fuddsoddiad lleol, cyfleoedd, a phartneriaethau. Dyna pam gall Parc Ynni Nant Ceiment ddarparu hyd at £643,500 bob blwyddyn i’r ardal leol trwy Gronfa Budd Cymunedol, gan greu etifeddiaeth o fuddsoddiad mewn lleoedd cymunedol, gwasanaethau a chymorth.

Dod i nabod cymunedau lleol.

Ond nid yw ein cynlluniau amdan y gronfa yn unig. Mae ein tim Buddsoddi Cymunedol wedi ymrwymo i weithio ochr yn ochr â phobl leol i wella mynediad at natur, archwilio cyfleoedd cyflogaeth lleol, a chefnogi ysgolion a chyfleusterau lleol.

Dros yr wythnosau a’r misoedd nesaf, rydym yn anelu at gysylltu â chymaint o grwpiau ac sefydliadau ag y gallwn – o gynghorau lleol a chlybiau chwaraeon i ysgolion a elusennau – i ddeall beth sydd wirioneddol o bwys yn eich cymuned, a sut y gallwn wneud cyfraniad ystyrlon.