Hwb mawr i ynni gwyrdd yng Nghymru diolch i fuddsoddiad werth £600m

Mae’n bleser gennym gyhoeddi bod Bute Energy wedi derbyn buddsoddiad nodedig a fydd yn datgloi ein cynlluniau ynni gwyrdd ar gyfer Cymru.

Mae’r buddsoddiad o £600m mewn prosiectau ynni gwyrdd a gyhoeddwyd heddiw [26 Chwefror 2025] wedi’i ddisgrifio fel “pleidlais o hyder” yng nghynlluniau twf llywodraethau Cymru a’r DU.

Bydd buddsoddwr adnewyddadwy byd-eang Copenhagen Infrastructure Partners (CIP), sydd wedi cefnogi ein huchelgeisiau o’r cychwyn cyntaf, yn cymryd cyfran ecwiti lleiafrif sylweddol yn y datblygwr gwynt ar y tir, Bute Energy a’n chwaer gwmni a’n datblygwr grid Green GEN Cymru.

Mae hyn yn fuddsoddiad sy’n arwain y diwydiant a allai olygu bod ein cwmni yn dod yn gynhyrchydd annibynnol mwyaf y DU o ynni adnewyddadwy erbyn 2030.

Cyrraedd targedau ynni gwyrdd

Mae ein cynlluniau’n ymateb uniongyrchol i darged Llywodraeth Cymru i 100% o ddefnydd trydan blynyddol y genedl ddod o ffynonellau adnewyddadwy erbyn 2035.  Rydym yn anelu at gyrraedd 25% o’r targed hwn tra hefyd yn cyfrannu hyd at 18% o darged newydd Llywodraeth y DU o ddyblu gwynt ar y tir erbyn 2030.

Mae gan Lywodraeth Cymru darged hefyd o leiaf 1.5 GW o allu ynni adnewyddadwy i fod yn eiddo lleol erbyn 2035, gan gadw ei fanteision yng Nghymru.  Rydym yn hynod falch y bydd 25% o’n Cronfa Budd Cymunedol sy’n arwain y diwydiant ar gael i gyflawni prosiectau ynni ar raddfa lai sy’n eiddo i’r gymuned. Bydd y rhain yn cael eu rhoi i sefydliadau cymunedol, gan ddarparu ffrwd incwm a fydd yn cefnogi gwasanaethau hanfodol yn y cymunedau sydd agosaf at ein teulu o barciau ynni.

Cyfleoedd swyddi ynni gwyrdd

Mae llywodraethau Cymru a’r DU wedi rhoi mewnfuddsoddiad, wedi’i ysgogi drwy ynni adnewyddadwy, wrth wraidd eu cynlluniau i greu swyddi a chynhyrchu twf economaidd. Bydd y fargen a gyhoeddwyd heddiw yn creu cyfleoedd gwaith newydd ac yn arfogi pobl ifanc â sgiliau sy’n hanfodol ar gyfer y sector ynni adnewyddadwy.

Bydd y buddsoddiad yn ein galluogi i gyflawni ein cynlluniau, sy’n gysylltiedig â’n strategaeth Sgiliau Sero Net a lansiwyd yn ddiweddar. Mae ein teulu o barciau ynni gwynt yn creu hyd at 2,000 o swyddi a safon gwerth cymdeithasol sy’n arwain y diwydiant a fydd yn galluogi ein cyflenwyr dan gontract i roi rhywbeth yn ôl i’r gymuned leol trwy bethau fel cyfleoedd gwaith, buddsoddiad pellach neu hyd yn oed roi o’u hamser i gynnig eu harbenigedd ac uwchsgilio.

Cydweithio diwydiannau adnewyddadwy – gan roi yn ôl i'r gymuned

Mae cydweithredu wrth wraidd ein dull o weithio gyda’r diwydiant ynni adnewyddadwy a chynaliadwyedd ehangach.  Rydym yn cydnabod, er mwyn arfogi pobl â’r sgiliau cywir i ddarparu seilwaith y genedl, na allwn ei wneud ar ein pennau ein hunain.

Mae ein Safon Gwerth Cymdeithasol yn mynnu bod 2% o werth ein contractau prosiect yn cael eu hailfuddsoddi yn y cymunedau lleol lle’r ydym yn gweithredu.

Mae nifer o’n cyflenwyr, gan gynnwys asiantaethau cyfathrebu, cynllunwyr a chwmnïau ymchwil, wedi ymrwymo i’r safon hon.  Rydym eisoes yn gweld enghreifftiau gwych o fudd cymunedol ystyrlon.