Uwchraddiwyd Clwb Pêl-droed Penybont ym Mhowys gyda Chymorth Busnes

Mae Clwb Pêl-droed Penybont ym Mhowys wedi derbyn hwb croesawgar diolch i roddion gennym ni yn Bute Energy a grŵp o’n cyflenwyr, gan helpu’r clwb i gynnal adnewyddiadau pwysig i’w gyfleusterau.

Trwy ein Safon Gwerth Cymdeithasol, rydym ni a thri chyflenwr arall – Savills, David Bell Planning Ltd, Neil McKay Forestry Ltd – wedi cyfrannu at ailosod decio 25 oed y clwb ac uwchraddio eu hystafelloedd newid. Cefnogodd LUC gydlynu’r rhodd.

Dywedodd cynrychiolydd ar ran Penybont FC :

“Fel clwb lleol, rydym yn hynod falch o’r gefnogaeth rydym yn parhau i’w derbyn gan unigolion a noddwyr lleol flwyddyn ar ôl blwyddyn. A diolch i’r cyllid ychwanegol hwn gan Bute Energy a’i gyflenwyr, rydym wedi gallu gwneud gwaith adnewyddu pwysig a hir-ddisgwyliedig i’n hystafelloedd newid, a fydd yn gwneud gwahaniaeth gwirioneddol i bawb sy’n eu defnyddio.

“Mae’r holl gefnogaeth rydym yn ei derbyn yn bwysig ac yn ein galluogi i barhau i dyfu fel clwb, sicrhau ein dyfodol i’n chwaraewyr dynion, menywod ac iau, a dod â’r gymuned at ei gilydd.”

Mae ein Safon Gwerth Cymdeithasol yn ei gwneud yn ofynnol bod 2% o werth contract cyflenwr yn cael ei ailfuddsoddi yn y cymunedau lleol. I gyflenwyr, gall yr ymrwymiad hwn fod ar ffurf rhoddion, gwirfoddoli, neu rannu arbenigedd – pob un yn canolbwyntio ar gyflawni effaith leol ystyrlon.

Rydym wedi treulio amser yn dod i adnabod y bobl, y lleoedd a’r prosiectau sy’n bwysig i drigolion Penybont, gan ein bod yn gobeithio gallu cynnig cefnogaeth hirdymor i’r ardal os bydd ein cynlluniau ar gyfer Parc Ynni Bryn Gilwern yn mynd rhagddynt.

Mae’r gwelliannau yng Nghlwb Pêl-droed Penybont yn cynrychioli cyfraniad bach ond pwysig tuag at gefnogi canolfan gymunedol annwyl iawn – clwb a gynhelir gan ymroddiad gwirfoddolwyr, noddwyr a chefnogwyr lleol dros nifer o flynyddoedd.