Rydym wedi lansio ein rownd gyntaf o ymgynghoriad cyhoeddus ar gyfer Parciau Ynni Lan Fawr a Bryn Rhudd – dau brosiect arfaethedig sy’n gamau hanfodol tuag at system ynni fwy gwyrdd a diogel.
Mae’r ymgynghoriad chwe wythnos hwn yn gyfle pwysig i bobl leol, rhanddeiliaid ac ymgynghoreion statudol helpu i lunio ein cynigion. Rydym yn gwahodd adborth ar bob agwedd ar y prosiectau – o ystyriaethau amgylcheddol a dylunio tyrbinau i gyfleoedd er budd cymunedol. Bydd yr ymgynghoriad yn parhau ar agor tan 18 Rhagfyr 2025 am 23:59.
Gyda’i gilydd, gallai’r ddau brosiect hyn gynhyrchu digon o ynni glân i bweru hyd at 250,000 o gartrefi bob blwyddyn, gan ddisodli tua 360,500 tunnell o garbon deuocsid yn flynyddol.
Cynigir lleoli Parc Ynni Lan Fawr tua 10km i’r de-ddwyrain o Dregaron, ar y ffin rhwng Sir Gaerfyrddin a Cheredigion. Mae’r dyluniad presennol yn cynnwys hyd at 40 o dyrbinau gwynt, pob un ag uchder blaen uchaf o 220m, gan gynhyrchu tua 268MW o drydan adnewyddadwy.
Dim ond 2km i’r gogledd-orllewin o Lan Fawr, byddai Parc Ynni Bryn Rhudd wedi’i leoli tua 3km i’r de-ddwyrain o Dregaron, yng Ngheredigion. Mae’r cynnig yn cynnwys hyd at 15 o dyrbinau gydag uchder blaen uchaf o 220m, sy’n gallu cynhyrchu tua 100.5MW.
“Rydym yn edrych ymlaen at rannu ein cynlluniau drafft gyda’r gymuned leol ac yn croesawu unrhyw wybodaeth gan drigolion a fyddai’n helpu i lywio a llunio’r dyluniadau.
“Byddai’r ddau barc ynni hyn yn cyfrannu’n sylweddol at leihau ein dibyniaeth ar danwydd ffosil a fewnforir, gan gryfhau ein diogelwch ynni a dod â buddsoddiad enfawr i’r economi wledig.”
Os rhoddir caniatâd cynllunio gan Lywodraeth Cymru, bydd Parciau Ynni Lan Fawr a Bryn Rhudd yn darparu buddsoddiad sylweddol yn yr ardal leol – gan gynnwys Cronfa Budd Cymunedol flynyddol o tua £2.7miliwn, sy’n cyfateb i dros tua £100miliwn dros oes weithredol y prosiectau.
Bydd y cyllid hwn yn cael ei lunio gan fewnbwn lleol i gefnogi gwasanaethau hanfodol, mentrau cymunedol, a thwf economaidd hirdymor trwy swyddi lleol a chyfleoedd yn y gadwyn gyflenwi.
Byddwn yn cynnal cyfres o ddigwyddiadau fel rhan o’r ymgynghoriad hwn:
Digwyddiad cyhoeddus mewn person:
26 Tachwedd 2025, 15:00–20:00
Canolfan Gymunedol Llanddewi Brefi, Tregaron
Gweminar dwyieithog ar-lein:
3 Rhagfyr 2025, 18:00–19:00
Bydd y weminar yn cynnwys cyflwyniad byr ac yna sesiwn holi ac ateb fyw.
Ewch i wefannau’r prosiectau i ddysgu mwy a chysylltu:
Cliciwch yma i ymweld â Pharc Ynni Lan Fawr
Cliciwch yma i ymweld â Pharc Ynni Bryn Rhudd
Cael y newyddion diweddaraf i gyd